Plantun de Prouvènço

Pèr coumpara dos planto d'encò nostre

Saxifraga moschata & Minuartia rupestris subsp. rupestris

Sassifrago(-muscado)

Saxifraga moschata

Saxifragaceae

Autre noum : Sassifrajo.

Nom en français : Saxifrage musquée.

Descripcioun :
La sassifrago-muscado trachis en couissin dins lis aùti mountagno de Prouvènço sus cauquié. Flouris belamen l'estiéu. Li flour soun blanco emé lou cèntre jaune e li petalo se tocon pas, au contro de la sassifrago-regado, Saxifraga exarata que ié sèmblo proun. Li fueio di tres partido soun regado soulamen sus lou tros dóu mitan (e pas toujour fin qu'au bout), alor que li de sa cousino soun tóuti tres regado en plen. Apoundèn que li fueio di ramo esterlo soun entiero (fotò). Coumpara emé la sassifrago-regado que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 12 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Saxifraga
Famiho : Saxifragaceae

Ordre : Saxifragales

Coulour de la flour : Blanco Jauno
Petalo : 5
Ø (o loungour) flour : 0,6 à 1 cm
Flourido : Printèms - Estiéu

Sòu : Ca
Autour basso e auto : 1600 à 3200 m
Aparado : Noun
Jun à avoust

Liò : Baus - Roucas - Tepiero roucaiouso
Estànci : Subaupen à Aupen
Couroulougi : Ouroufito-Éurasiatico
Ref. sc. : Saxifraga moschata Wulfen, 1781

Lineto(-de-roucas)

Minuartia rupestris subsp. rupestris

Caryophyllaceae

Nom en français : Minuartie des rochers.

Descripcioun :
Lineto renadivo que trachis dins li relarg roucaious d'auto mountagno, pulèu sus cauquié. Rebalo au sòu, li flour soun souleto o groupado pèr dos sus de pecou glandoulous. Li sepalo soun un pau mens longo que li petalo e s'atrovon de la meme loungour que lou fru. Èi la souleto Minuartia emé de fueio en lanço. La subsp. clementei fai de flour un pau mai grosso e de fueio pus estrecho .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. La planto es aparado.

Port : Erbo
Taio : 1 à 5 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 6 à 9 mm
Flourido : Estiéu

Sòu : Ca
Autour basso e auto : 1700 à 3000 m
Aparado : Vo
Remarco : Meno aparado
Juliet à avoust

Liò : Roucas - Esboudèu - Tepiero roucaiouso - Roubino de mountagno
Estànci : Subaupen
Couroulougi : Ouroufito-Aupenco
Ref. sc. : Minuartia rupestris subsp. rupestris (Scop.) Schinz & Thell., 1907

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Saxifraga moschata & Minuartia rupestris subsp. rupestris

ges

Coumpara Sassifrago(-muscado) emé uno autro planto

Coumpara Lineto(-de-roucas) emé uno autro planto